EASO Politeknikoko Zuzendaritzak eta Lanbide Arriskuen Prebentziorako Mintegiak, “Isiltasun Handia” liburuaren euskarazko bertsioaren aurkezpenera gonbidatzen zaituzte. Ekitaldia maiatzaren 26an izango da, eguerdiko 12.30ean EASO Politeknikoan. Aurkezpenean Joan Juvent idazleak eta ikastetxeko ordezkariek parte hartuko dute.
“Isiltasun Handia” prebentzio-formakuntzarako oso tresna baliagarria da, bai gazteei, bai langileei begira. Lanean nahiz bizitzan zehar egunero sortzen zaizkigun arriskuen aurrean erantzuteko balioak erakusten dizkigu.
Liburua
Alexek bere laguna hil deneko istripua ikertu behar du. Horretarako irakasle atsegin eta harrigarri batengandik ikasitakoa gogoratuko du. Alexen eskutik istorio hunkigarria biziko dugu, bizitza, istripu, horren arrazoiak eta haiek saihesteko moduak aztertuz eta gogoeta eginez. Era berean, talde-lanean lan egitearen garrantzia eta aldaketaren aurrean jarrera egoki eta malgua izaten erakusten digu.
Ez da liburu teknikoa. Isiltasun Handiak prebentzioaren ikuspegi argi eta sinplea ematen digu, modu berritzaile batean eman ere. Istorio entretenigarria da, oso gogoeta argiak egiten dituena prebentzioa langile eta auto-gidariei nahiz gizarte osoari, oro har, gerturatuz.
Isiltasun Handia prebentzioari buruzko liburua da, baina bere azken helburua irakurlearen kontzientziazioa handitzea da azken helburutzat istripu-mota guztiak murriztea duena. Hori lortzeko istripu bat hartzen du oinarritzat, eta istorio erraz, entretenigarri eta oso modu ulergarrian idatzia, irakurle multzo zabal bati zuzentzen zaio, formato trinko eta nahasietatik ihes eginez. Estilo zuzenaren bidez, argiro, zehatz eta zuzenki azaltzen ditu adierazitako arrazonamendu guztiak.
Egilea
1965 urtean Navas-en (Bartzelona) jaioa. Gaur egun Sant Joan de Vilatorradan (Bages) bizi da. Meatzetako Ingeniari Teknikoa da eta Lan Arriskuen Prebentzioan Masterduna, bere lanbidearekin lotutako formakuntza zabala izanik.
Hamabost urtetik gorako esperientzia du meategi barruko lanetan, Txanda-burutik hasi eta Zuzendari arteko karguetan, hasiera batean Devant S.A. enpresan, eta ondoren Suriako gatz-meatzetan.
Irakurle amorratua, bere astialdian idazle gisa jarduten du.
Egilearen Web orria: http://www.actuatu.com/
