Gabonak hurbiltzen ari dira eta haiekin batera maite ditugun pertsonei opariak egiteko konpromisoak. Gabon hauetan aldaketa bat proposatu nahi dizuet: opari jasangarriak egitea.
Opari arduratsuak maitasun adierazteko modu bat baino gehiago dira, asmoen aitorpena dira. Opari jasangarria egiten duenak ingurumenaren aldeko apustua egiten du eta jasotzen duenak gure planetarengatik ohiturak aldatzeko prest dagoen jendea dagoela ulertzen du.
Denon artean, gure EASO politeknikoko lehenengo solairuan dagoen “Konpromisoaren zuhaitza” “Gabon jasangarriagoen zuhaitza” bilakatzea lortuko da.
Beraz, gure zuhaitza Gabonetan loratuko da ikasleek egindako opari jasangarrien proposamenekin.
Mila esker denoi ideia hau sustatzeagatik. Benetan funtsezkoa dena ez da saltzen ezta erosten ere, hemen dituzu hainbat ideia.
