Pasa den asteburuan, Valladolideko I.E.S. Ribera de Castilla zentroan, Zurgintza eta Altzarigintzako VIII. lehiaketa ospatu zen eta bertan EASO Politeknikoko ikaslea den Javier Rosadok (FD21) bigarren postua lortu zuen. Parte-hartzaileen maila altua dela-eta, ikasle honek lortutako postua nabarmentzekoa da.
13 erkidego desberdinetako 23 ikasle aurkeztu ziren lehiaketara baina hauetako zortzik besterik ez zuten lortu proposatutako ariketa emandako denboran bukatzea. Datu honek ariketaren zailtasunaren berri ematen digu.
Goraipatzekoa da gure ikasleak beti gelditu izan direla lehenengo 4 postuen artean.
Bosch enpresari eskerrak eman, gero eta garrantzitsuagoa bihurtzen ari den estatu mailako ekimen honetan lankidetzan eskuzabal aritzeagatik, eta nola ez, Javier Rosadori eta departamenduko irakasle guztiei zorionak eman, horrelako ekimenetan zuzenki edo zeharka parte-hartzen dutelako.
