Joan zen ostegunean, hilak 26, gure hiriko EASO Xilotekak egur bildumetan mundu mailako aditu baten bisita jaso zuen.
Aditua Morris Lake da, australiarra, Egur Bildumazaleen Nazioarteko Elkarteko (International Wood Collectors Society) bazkide garrantzitsua eta World of wood (Zuraren mundua) aldizkariaren zuzendaria.
Bisita Robin Lake eta Jose Migel Elosegirekin (IWCSko kideak) batera egin zuen eta halaber, EASO Politeknikoko Zurgintza eta Altzarigintza Alorguneko irakasleak ere bertan izan ziren.
1947an fundatua, Egur Bildumazaleen Nazioarteko Elkartea irabazi-asmorik gabeko elkartea da eta hauexek dira bere helburuak: Informazio egokia banatzea egur bilketarako, egur laginen identifikazio eta izendapen zuzena egiteko eta sormenezko lanetan egurra erabiltzeko. Elkarte honetan sei kontinenteetako 30 herrialdeko bazkideak daude.
Estatuan mailan, EASO Xiloteka Elkarte honen barruan dagoen ikastetxe bakarra da, Manuel Soler (Deniakoa) eta Jose Migel Elosegirekin batera (Leitzakoa), hauek era indibidualean daudelarik.
