Maiatzaren 10etik 12ra, Irungo FICOBAn, Euskoskills lehiaketa ospatu da eta EASO Politeknikoko ikasle den Bernat Ticó txapelduna izan da zurgintza modalitatean.
Lehiaketa honetan LHko 150 ikaslek baino gehiagok hartu dute parte, 19 espezialitatetan banaturik.
EASO Politeknikoak Kontrol Industrial eta Zurgintza modalitatetan hartu du parte, maila oso altua erakutsiz.
Zurgintza modalitatean EASO Politeknikoko bi ikaslek lehiaketako lehenengo bi postuak lortu dituzte. “Arotzeria eta altzarigintzako produktuen garapena” zikloko 1. mailako ikasle den Bernat Ticó izan da irabazlea eta Madrilen 2013ko urtarrilean ospatuko den lehiaketaren hurrengo fasean (Spain Skills) Euskadiko ordezkaria izango da. Proba hau gaindituz gero World Skills lehiaketan hartuko luke parte.
Ficobako erakustaretotik Bigarren Hezkuntza zentroetako 2500 ikasle baino gehiago pasa dira, LH-ko ikasleek dituzten ezagutzak eta trebetasunak zuzenean ikusteko.
