| EASO Politeknikoko ikasleak Euskadiko Tokiko Agenda 21en 9. Jardunaldian izan dira: “Rio+20: Jasangarritasunerako bidea. Udalerrien erronkak eta erantzunak” Azaroaren 21ean Donostiako Kursaal jauregian egin da Euskadiko udalerrientzako Tokiko Agenda 21en IX. jardunaldia. Bertan parte hartu duten nazioarteko adituek jasangarritasun globaleko eta etorkizuneko estrategia bati ekiteko beharra nabarmendu dute, bai eta eskualdeko zein tokiko erakundeek eta herritarrek bertan funtsezko eginkizuna eduki behar dutela ere. Ekitaldi horretan Udalsarea 21 jasangarritasunerako udalerrien euskal sarearen Jardunbide Egokienei Sariak banatu dituzte; laugarren edizio honetan Elgoibar, Legazpi, Zumarraga, Debabarrena eta Nerbioi Ibaizabal izan dira irabazleak. Sari-banaketan Fernando Barrenecheak parte hartu du, Udalsarea 21 idazkaritza teknikoa duen Ihobe Ingurumen Jarduketarako Sozietate Publikoaren zuzendari nagusiak.
—|—
