| EASO Politeknikoko ikasle ohiez osatutako hiru enpresek abenduaren 18tik urtarrilaren 5era Artzai Onaren plazan egin zen artisautza azokan hartu zuten parte. Hauetatik berriena Eider Arrillaga, Agara Agirre, Maider Mendinueta eta Maider Zunzunegik osatzen duten “Milimetrotan” izeneko enpresa da eta 2012. urtean harri desberdinak (Legorretako piritak, Congoko esmeraldak, rubiak…) konbinatuz zilarrez egindako piezak aurkezten dituzte. 2008. urtea geroztik Ziku Armendarizek urrea eta harribitxiekin konbinatutako zilarrezko piezak egiten ditu “ZIKU bitxigilea” markaren pean. Testone eta Nelsy Gimenez artisauek gure inguruneko flora erabiliz osatutako bitxi metalizatuak egiten dituzte. Halaber, 2012. urtean Iranzu Gomez eta Ander Planok sortu duten “Orlegi” izeneko web orrialde berrian, norberak pieza bereziak diseinatzeko aukera dauka, altzairu herdoilgaitzean egindako bitxi katalogo zabal batetik egitura zein kolore desberdinak aukeratuz.
—|—
