| Bernat Ticok, EASO Politeknikoko ikaslea, brontzezko domina eskuratu du Arotzeria espezialitatean, –Spainskills– Lanbide Heziketako Olinpiada Nazionaleko 34. edizioan. Lehiaketa hau Hezkuntza Ministerioak antolatzen du bi urtean behin eta Madrilen ospatu da otsailaren 12tik 17ra bitartean. Bernaten prestakuntzaren ahalegina, Zurgintza eta Altzarigintza departamentuko irakasleekin batera, bereziki Josean Piñeiroren laguntzarekin, Euskoskills lehiaketarako prestatzen hasi zen, non irabazle izan baitzen. Hortik aurrera gogor saiatu da Bernat bere ametsa lortzearren eta azkenean emaitza ona lortu du lau eguneko lehiaketan, beste Erkidegoetako ordezkariekin batera. Hau EASO Politeknikoko Arotzeria espezialitateko ikasle baten lehenengo parte hartzea izan da eta emaitzak ezin hobeak izan dira.
—|—
