| “Profesionalak sortu, pertsonak hezitu” gure leloari jarraituz, ekimen berri bat bultzatu dute Eskolako Agenda 21 programak eta Dinamizazio proiektuak: elikagaien bilketa EASO Politeknikoan. Agenda 21 programak jasangarritasuna sustatzen du, hau da, maila ezberdinetan oreka lortzea, bai ekonomiari, bai ingurumenari eta bai gizarteari dagokionez ere; dinamizazio proiektua hausnarketa eta konpromezu soziala, besteak beste, pizten saiatzen da. Helburua : 1000 kg elikagai, tona bat. Hala ere helburua kopuru hau gainditzea tzela litzateke. Ikasle eta irakasleen sentsibilitatea ikusita, seguru gaude lortuko duguna. Deituak-gonbidatuak : EASO Politeknikotik pasatzen diren ikasleak, Amarako auzokideak eta Donostiako biztanle guztiak. Elikagai gomendatuak : galkorrak ez diren produktuak, hau da, olioa, azukrea, lekaleak, pasta, arroza, kontserbak. Era berean, esnea ere ekar daiteke, edozein elikagai ongietorria izango da, betiere iraupen bat badu, gordeta izaten ditugun horietakoak alegia. Datak eta ordutegiak : martxoaren 11a eta 21a bitartean, ikastetxearen ordutegian 8.00etatik- 21.00ak arte. Sarreran bilketarako bi gune prestatuta daude.
—|—
