| Pasa den azaroaren 29an, Ingurumen-Hezkuntza eta Kontrola zikloko 1. mailako ikasleek 14 kilometroko ibilbidea egin zuten gutxi gorabehera, Listorretatik Urdaburuko tontorreraino, Aiako Harriaren Natur parkearen barruan. Ibilbide hau zikloko ikasleek prestatu zuten Ingurunearen Ezagutza lanbide-moduluaren barruan, helburu nagusi hauekin, besteak beste: Ingurunearen ondare historikoa eta naturala ezagutzea. Ibilbidean zehar ikasleek zein irakasleek Aizpitarteko kobazuloak ikusteko aukera izan zuten, karobi batzuen hondarrak eta baita ere Malbazarreko putzua ( artifizialki egina baso-igel gorria, uhandre palmatua eta arrabio arrunta kontserbatzeko).
—|—
