| EASO Politeknikoko zazpi ikasle, 2012-2013 ikasturtean titulatuak, Lehen Aukera programan parte hartzeko hautatuak izan dira. Lehen Aukera egitasmoa Eusko Jaurlaritzak sortu eta Ikaslanek, Lanbide Heziketako eskolen bitartez, kudeatutako programa bat da. Enpresetan lanbide praktika ez laboralak egiteko programa pilotu bat da. Praktika hauek hiru hilabeteko iraupena izango dute eta Ikaslanek ordainduko ditu. Aipatutako zazpi ikasle horiek EASO Politeknikoko 7 Lanbide familia ezberdinetakoak dira: mekanika, zurgintza, kirolak, elektrizitatea, obra zibila, kimika eta gizarte eta kultura-zerbitzuak. Momentu honetan ikasle bakoitza bere lanpostuan ari da, izan ere, daukaten dirulaguntza edo bekak abenduaren erdialdetik martxoaren erdialdera arte iraungo du.
—|—
