| 2013ko abenduaren 9an EASO Institutu Politeknikoak Goi Mailako Hezkuntzako Erasmus Karta eskuratu zuen, 2014ko deialdian. Erasmus Karta Europako Batzordeak Unibertsitate eta Goi Mailako Lanbide Heziketako eskolei ematen dien dokumentu bat da, Erasmus (2014-2020) programako jardueretan parte hartu ahal izateko. Karta horrek zentro batek izan behar dituen ezaugarriak eta betekizunak zehazten ditu mugikortasun eta kooperazio mailan eta zer konpromiso hartzeko prest dagoen kalitateko zerbitzu eta prozedura batzuk bermatzeko eta baita ere informazio zehatza eta gardena helarazteko. Honek esan nahi du gure ikasle eta irakasleek beste herrialde parte-hartzaile baten erakunde edo enpresa batean praktikak edota ikastaroak egiteko aukera izango dituztela. 2008. urtean lehen aldiz Erasmus Karta (2007-2013) eskuratu genuen eta ordutik hona EASO Politeknikoko ehun ikasle baino gehiago izan dira beren praktikak atzerrian egin dituztenak eta aldi berean hamar bat irakasle Europako beste herrialde batzuetan praktikak edo ikastaroak egin dituzte. Erasmus Karta berri honekin beste herrialde batzuetako erakunde eta enpresekin dugun lankidetza eta harremanak mantendu nahi ditugu, gure ikasle zein irakasleei esperientzia hori aberasgarria gerta dakien eta halaber Europa mailako lan-merkatuaren eskakizunetara egokitu daitezen. Proiektu hau Europar Batzordearen laguntzaz finantziatuta dago. Komunikazio honen erantzunkizuna bere egilearena da soilik. Batzordeak ez du bere gain ardurarik hartzen hemen zabaltzen den informazioari eman dakioken erabilpenaz.
—|—
