| Abenduaren 16an Ingurumen-hezkuntza eta Kontrola zikloko 1. kurtsoko ikasleak Plaiaundiko Parke Ekologikoan bisitan izan ziren. Parkea Bidasoa ibaia eta Jaizubiako errekaren artean dago. Han, Txingudi Ekoetxea Interpretazio Zentroan egon ziren eta parke eta badiari buruzko informazioa jaso zuten; baita ere Txingudiko baliabide naturalak babestu eta antolatzeko Plan Berezia ezagutu zuten. Parkean bertan, prismatikoak erabiliz eta pazientzia handiz horniturik, 30en bat hegazti-mota ezberdinak ikusi ahal izan zituzten.
—|—
