| Urtarrilean Goi-mailako zikloetara sarbide-proba prestatzen ari diren ikasleekin Hondarribiko Atalerreka araztegia (Estación Depuradora de Aguas Residuales, E.D.A.R.) bisitatzera joan ginen. Bisita hau Lur Zientzien ikasgaiaren, “Hidrosfera” gaiarekin lotuta dago. Gai honetan ura, uraren-zikloa, uraren kutsadura eta kudeaketa lantzen dira. Uraren kudeaketan, uraren bilketa, arazketa eta etxeratzea egiten da. Edangarria den ur hau erabili ondoren ur-zikinak sortzen dira, eta ingurumenera askatu aurretik, saneamendu sistemaren bitartez, araztegira bideratzen dira. Bertan tratatu ondoren itsasazpiko emisario batek kostaldetik urruti dagoen puntu batean askatu egiten ditu eragin kaltegarriak saihesten direlarik. Hordarribiako araztegiari egindako bisitak, Txingudi eskualdeko 80.000 biztanleen edateko uraren eta etxeko ur-zikinen kudeaketaren gora beherak ulertzeko aukera bikaina eman zigun.
—|—
