| Ostegunean, hilak 13, FIMMA-MADERALIAn, eta Valentziako Nazioarteko Azokaren barruan, Zurgintza, Altzarigintza eta Kortxoaren Lanbide Heziketako I. Topaketak aurkeztuko dira, EASO Politeknikoko zurgintza eta altzarigintzak alorguneak antolatuta. Zortzi aurkezpenak gure zentroko irakasle eta ikasleek egingo dituzte. Gaiek eskolan gaur egun burutzen ari diren egitasmoekin dute zerikusia: Egurrezko Etxeak eta Ekodiseinuko Gelak, Prototipoak- 3D inprimagailuak, EASO Xiloteka, Ekodiseinuaren bidez egindako altzariak, Arkitektoek egindako Altzariak, 20 Altzari ikusgarri eta “Donostia Hiria” Altzari-diseinuaren Lehiaketaren Historia.
—|—
