| Otsailaren 11n, Haur Hezkuntzako Goi Mailako zikloko ikasle eta irakasleak Arbizun (Nafarroa) izan ziren Kattuka Haur Eskola bisitatzen. Bertan 0 urtetik 3 bitarteko haurrak hezten dituzte. Eskola orain dela hiru urte ireki zen eta jada ospea hartzen hasia da Haur Hezkuntzaren munduan, hainbat arrazoirengatik:
* Lekua ederra da eta instalazioak bikainak. Aipagarria da mankomunitateak eskola hau eraikitzeko egin duen apustua.
* Emmi Pikler eta Loris Malaguzziren ildo pedagogikoak aplikatzen dituzte, nagusiki.
* Familiekin batera landutako proiektua da.
Gure ikasleek beren jakin-mina asetzeko aukera ederra eduki zuten, bai eskola ezagutzeko talde txikietan eginiko bisitaldian, baita ondoren denak batera kafea eta pastak hartuz edukitako tertulian ere. Mila esker Eider, Izaskun, Ainara, Aiboa, Ainara, Aiora, Maite, eta Aneri, Kattukako hezitzaileei, ikasketak osatzeko halako aukera eskaintzeagatik.
—|—
