| Zurgintza, Altzarigintza eta Kortxoko Alorguneak, Valentziako Nazioarteko Azokan, otsailaren 11tik 14ra bitartean FIMMA&MADERALIAk antolatutako ekitaldian parte hartu du. EASOk jarri duen stand-ean ikasleen hainbat lan, “Donostia Hiria” XVI. Altzari-Diseinu Lehiaketan saritutako zein aukeratutako lanak eta gure zentroan burututako egitasmoak ikusgai izan dira, hala nola “Egurrezko etxeak sortu ekodiseinuko irizpideak jarraituta”, “Ekodiseinuko altzariak sortzeko ikasgelak dituzten zentro-sarea” eta gure azken egitasmoa “Termokonformazioa, material berriak”. Ostegunean, otsailak 13, eta Madera-sostenible egunkari digitalarekin elkarlanean, hainbat ponentzia aurkeztu ziren Lanbide Heziketako Zurgintza, Altzarigintza eta Kortxoaren I. Topaketan. Ponentziak Departamentuko irakasleek eta Altzarigintza eta Diseinua Heziketa Zikloko ikasleek aurkeztu zituzten. Ponentzien gaiak interesgarriak eta gaurkotasun handikoak izan ziren hezitzaile zein ikasleentzat, hala nola:
* LHko zentroetan egurrezko etxeak eraikitzea ingurumen-irizpideak kontuan hartuta·
* Arkitekto ospetsuek diseinatutako altzariak.
* LHko zentroetan altzariak sortzeko ekodiseinuko gelak.
* Ekodiseinatutako altzariak
* LHko proiektuetan 3D inprimagailuen bidez prototipoak egitea·
* 20 Altzari berezi eta ikusgarri
* Easo Xiloteca. Nola sortu eta kudeatu?
* Altzari-diseinu Lehiaketaren historia. (1.991-2014)
Ekitaldi honetara Zurgintza, Altzarigintza eta Kortxoaren Lanbide-familian diharduten ikasle eta irakasleez gain Altzari-fabrikazioan eta zurgintzan aritzen diren enpresarioak eta profesionalak ere etorri ziren.
—|—
