| Joan zen astean Fabrikazio Mekanikoko Diseinuko zikloko ikasleek bi bisita egin zituzten Zarautz-Getaria inguruko enpresetara, txapa eta estanpazio-prozesuko tresnen diseinuko moduluaren barruan. Alde batetik, Industrias ELA bisitatu zuten; hau enpresa familiarra da eta 40 urteko esperientzia dauka mota guztietako materialak (herdoilgaitza, altzairua, letoia, kobrea…) lantzeko trokelak diseinatzen eta egiten. Bestetik, Indaux enpresa ezagutzeko aukera izan zuten; enpresa hau liderra da bere sektorean eta 1962 urteaz geroztik altzari-industriarako osagaiak eta burdineria sistemak asmatu, garatu, fabrikatu eta komerzializatzen ditu. Gure ikasleek ikasturtean zehar ikasi dutena ez dela alferrikakoa izan egiaztatu zuten eta enpresa hauen esperientzia eta lana egiteko modua bertatik bertara ezagutzeko aukera izan zuten, Mikelek (Industrias ELA) eta Rikardok eta Jonek (Indaux) emandako azalpenen bitartez.
—|—
