| Martxoaren 26an, asteazkenean, EASO Politeknikoak Basaurin ospatu zen Hezkuntza, Euskadi eta Google Apps 3. Topaketan parte hartu zuen. Bertan hezkuntza maila ez-unibertsitarioko ikastetxetako 150 irakasle eta hezkuntzako laguntza-zerbituetako kideak bildu ginen. Mikel Agirregabiriak, Eusko Jaurlaritzako Hezkuntza Saileko Berrikuntza zerbitzuko arduradunak, hasiera eman zion jardunaldiari “Google Apps-en garrantzia Sarekuntzan” komunikazioa aurkeztuz. Honen ondoren hainbat ikastetxetan garatzen ari diren hainbat esperientzia aurkeztu ziren, oso aberasgarriak denontzat. Antolatzaileek jardunaldiko bideoa eta bertan egindako aurkezpenak partekatu dituzte. Donostiako EASO Politeknikoko zuzendariordeak eta IKT-ko arduradunak jardunaldia itxi zuten, bertan bizi izandakoaren iruzkin bat eginez eta 2015eko Topaketaren antolaketa bere gain hartuz.
—|—
