| Pasa den maiatzaren 24ean, europar proiektuen koordinatzailea eta ikasketa burua Boloniara joan ziren, Erasmus eta Leonardo egitasmoen bitartez bertan praktikak egiten diharduten ikasleak bisitatzera. Egonaldi honetan ikasleak ostatura eta bizi diren ingurunera nola egokitzen diren ikusteko aukera izan genuen. Edozein modutan, esperientzia oso positiboa izaten ari da eta tutoreak oso pozik daude gure ikasleen prestakuntza-mailarekin eta egiten ari diren lanarekin. Izan ere, gure bisitaren ondoren eta enpresako tutore batek proposatuta, ikasle batek aste bat luzatuko du egonaldia, prestatzen ari diren ekitaldian parte hartu ahal izateko. Beste ikasle bati lana eskaini diote praktikak bukatu ondoren. Ikasleentzat ere esperientzia oso positiboa izaten ari da eta pena ematen die maiatzaren bukaeran edo ekainaren hasieran egonaldia bukatzea eta hango lankide eta lagunak utzi behar izatea. Bisitaren ondoren, gure ikasleek praktikak egin dituzten enpresen aukeraketa ona izan dela berretsi dugu eta hango tutoreak ere gure institutuarekin lanean jarraitzeko prest agertu dira.
—|—
