| Ingurumen hezkuntza eta kontrola zikloko 1. kurtsoko ikasleak Linzan, Ansoko bailaran izan dira maiatzeko lehen astean. Egun horietan ibilbide anitzak egin dituzte mendian zehar, bertako hegaztiak, ugaztunak, herpetofauna (narrastiak eta anfibioak) eta ekosistema desberdinak behatzeko aukera izan dutelarik. Halaber, orientazio-lasterketa bat ere egin dute. Aipatu beharra dago egonaldi honetan ez dugula aparteko gorabeherarik izan, ikasle-irakasleen artean giro bikaina izan dugula eta eguraldiak ere gure alde jokatu duela. Jarduera hau oso baliagarria izan zaie moduluetan ikasitakoa praktikan jartzeko. Partehartzaile guztiak eskertu nahi ditugu, bakoitzak egindako ekarpenagatik eta denon artean sortutako giro onagatik.
—|—
