| EASO Politeknikoko Zurgintza eta Altzarigintza Alorguneko lau irakasle Berlinen izan dira Knobelsdorff Schule izeneko eskolan, Erasmuseko proiektu baten barnean. Bidaia honen helburuetako bat LHk Alemanian nola funzionatzen zuen ikustea zen, batez ere Lanbide Heziketa duala, hau da, prestakuntza eskolan eta baita ere enpresan kontuan hartzen duen modalitatea. Halaber, egurrezko egituren garapen eta instalazioaren arloan zer proiektu motak dituzten, nolako ikasketak ematen diren, nola burutzen dituzten egurrezko eraikuntzak eta abar ikusi nahi genuen. Zehazki, Alemaniak Versallesen 2014an Solar Decathlonen aurkeztuko duen eredua ezagutu genuen. Eredu hau Arkitekturako unibertsitateko ikasleek garatu eta bisitatu dugun eskolako ikasleek burutu dute. Alemaniako irakasleekin izan dugun harremana, bisitatutako instalazioak, beraien irakas-metodoak eta han ikusitako guztia esperientzia bikaina izan da guretzat. Esperientzia hau Berlin hiria bisitatuz eta bertako leku enblematiko eta ezagunenak ikusiz osatu dugu.
—|—
