| Fabrikazio Mekanikoko alorguneak artezteko CNC makina berria erosi du. Makina berri honi esker lortuko ditugun akaberak ezin hobeak izango dira. Makina honek dituen ezaugarrien artean buruaren biraketa-abiadura nabarmendu dezakegu (3000 b/min) eta baita ere diamantaketa gailua; izan ere, finkoa izateaz gain punta anitzeko diamantatze sistema ere badauka. Halaber, aipatu behar da bolante elektronikoak daukan bereizmen handia (0,001 mm) eta gutxieneko sartze-sakonera bertikala 0,001 mm-koa dela, hau da, mikra baterainoko” iraganaldiak” eman ditzake. Beste alde batetik makina hau azken belaunaldiko Fanuc OI-D kontrolen bidez dago zuzendua. Kontroleko kontsolak ukimenezko eremu bat dauka eta beste bat sakagailuekin hornitua: larrialdi-sakagailua, martxan jartzeko eta gelditzeko, ebaketa-aitzinamenduaren potentziometroa eta eskuzko bolante elektronikoa. Ezaugarri hauei esker kontzeptu garrantzitsuetan sakontzeko aukera izango dugu eta hauek ikasleen prestakuntzari balio erantsia emango diote, gaur egungo lan-munduan lehiatzeko ezinbestekoa.
—|—
