| Fabrikazio Mekanikoko Alorguneko Bingen Larrarte eta Mariano Saenz irakasleek 3D inprimagailuko proiektua burutu dute. Proiektu hori, diseinutik hasi eta fabrikaziora arte, oso-osorik departamentuan burutu da. Inprimagailu honen ezaugarri nagusietako bat burutzen dituen piezak angelu guztietatik bistaratu daitezkeela da. Halaber, inprimagailuak egiten dituen mugimenduak sistema kartesiarra erabili ordez, zinematika paraleloko sistema bat erabiltzen du. Azkenik, bere fidagarritasuna nabarmendu nahi dugu. Hori dela-eta, Departamentuak inprimagailu modelo hauek garatzen jarraituko du. Ekimen hau PepRap proiektuaren barnean dago. RepRap proiektua prototipoak azkar eta era askean sortzeko eta bere burua errepikatzeko gaitasuna duen makina bat burutzeko ekimena da (bere barruan CloneWars proiektua dago gaztelaniaz) Youtube-n ikus daiteke inprimagailua lanean.
—|—
