| Joan den asteazkenean, hilak 24, Ingurumen Hezkuntza eta Kontrola zikloko ikasleek “denboraren tunelean bidaiatuz” Arditurriko meazuloen handitasuna eta berezitasuna ulertzeko aukera paregabea izan zuten. Izan ere, penintsulan bi mila urte eta gehiagoz ia etenik gabe ustiatutako meategi bakarrenetakoak baitira. Halaber, Interpretazio Gunea bisitatu zuten, non Aiako Harriko Parke Naturalaren aberastasun historikoa (erromatarren garaiko meatzeak), naturala (pagamotza) eta arkeologikoaz (monumentu megalitikoak) jabetzeko aukera izan zuten. Tren Berdeaz Arditurriko bidegorritik meategietara iritsi ziren ondoren Luberriko Interpretaziogune geologikoa eta museoa ikusteko.
—|—
