| Menpekotasun egoeran dauden pertsonentzako arreta zikloko 2. mailako taldeak telelaguntza zerbitzua ezagutzera hurbildu dira BetiOn-ek Bilbon duen egoitzara. Bertan zerbitzuaren nondik norakoak eta bertako instalazioak ezagutu dituzte. Egun berean BEC-en “Nagusi” deituriko azoka antolatzen zela eta Bilbon zeudela aprobetxatuz bertara hurbildu ziren nagusientzako eskaintzen diren zerbitzuak ezagutzeko. Stand desberdinetan erreabilitazioarekin, eguneko zentroekin, egoitzekin, gizarte laguntzarekin… erlazionaturiko hainbat erakunde publiko zein pribatu ezagutu eta beraien eskaintzak ezagutu ahal izan zituzten.
—|—
