| Gizarte Zerbitzuetako mintegiak, laugarren urtez, Zeinu hizkuntzako ikastaroa antolatu du. Ikastaro hau Erdi mailako Menpekotasun egoeran dauden pertsonen arretako ikasleentzat eta goi mailako Haur hezkuntzako ikasleentzat dago antolatuta. Irakaslea Julián Rodriguez da. Ikastaroa urtarrilaren 11n hasi zen eta martxoaren 3ra bitartean iraungo du.Guztira 30 orduko ikastaroa da, astelehen eta astearteetan 15.00etatik 17.30 etara, eskola ordutik kanpo. Ikastaroa amaitzean, ikasleek Eusko Jaurlaritzak homologatu duen ziurtagiria eskuratuko dute. Eskaera handia izan duenez, ekainerako ikastaro berdina antolatuko da, baina arratsaldeko zikloetan matrikulatuak dauden ikasleek lehentasuna izango dute.
—|—
