| Pasa den otsailaren 5ean, Fabrikazio Mekanikoko Produkzioaren Programazioa Goi Mailako Zikloko ikasleek Andoainen kokatuta dagoen José Mª Mendiola mekanizazio enpresa bisitatu zuten. EASO Politeknikoko mekanikako departamentuarekin kolaboratzen duten enpresa taldeen artean, hau tamaina handiko piezak fabrikatzeagatik ez ezik, berauek duten doitasunagatik ere nabarmentzen da. Aipatutako ezaugarri hauek, osagarri gisa, oso baliagarriak dira gure ikasleen prestakuntzan. Beste alde batetik, enpresa horretan praktikak egin dituzten hainbat ikaslek bertan jarraitu dute lanean kontratu baten bitartez. Lerro hauetatik enpresako arduradunek eskaini diguten arreta eta emandako tratu ona eskertu nahiko genuke.
—|—
