| Ikasturte honetan Eskolako Agenda 21n proiektuaren gai nagusia mugikortasun jasangarria da. Iosu Benaitok, Donostiako Udaleko Mugikortasun Atal Teknikoko buruak, horri buruzko hainbat ideia utzi zizkigun hausnarketarako ikastetxean eman zigun hitzaldian. Mugikortasuna hirietako jendartearen eta ekonomiaren garapenaren faktore erabakigarri bat izan da hasieratik beretik. Mugikortasuna gai gakoa da bai gizarteari begira eta baita ingurumenari begira ere; eta honekin batera eztabaida ugari daude: garraiobideen inguruan (erragaian oinarrituak ala ez), publikoak ala pribatuak, pertsona gutxirentzat ala pertsona askorentzat, zenbateko espazioa eman behar zaion bakoitzari… Eskarmentuak erakutsi digu mugikortasuna kontrolik gabe eta desegoki hedatuz gero, elkarri lotutako arazo asko sor daitezkeela, herritarren bizi kalitateari zuzenean erasan eta bihar-etziko garapenak arrisku larrian jar ditzaketen arazoak sortuz.
—|—
