| Pasa den asteazkenean, martxoak 11, Frantzia, Italia eta Espainiarekiko nazioarteko harremanen Namibiako burua eta Omusati eskualdeko ordezkariak gure ikastetxea ezagutzera etorri ziren. Ikastetxeko instalazioak bisitatu zituzten, irakasleekin esperientziak trukatu, abian dauden eraberritze-proiektuen informazioa jaso eta baita ere hizketaldi batean parte hartu zuten, mintzagaia kudeaketa sistema eta ikastetxeko egunez egunekoa zelarik. Euskadiko Lanbide Heziketaren errealitatea eta honek lehiakortasunean eta enpleguan duen garrantzia bertatik bertara ikusteko aukera izan zuten. Bisitariei gure lan egiteko moduak, ikastetxean daukagun instalazioek eta ezarri dugun kudeaketa sistemak interesa piztu zien. Hemendik aurrera bi herrialdeen arteko elkarlanerako bideak aztertu ziren.
—|—
