| Ingurumen hezkuntzako ikasle eta irakasleek San Telmo Museoan ospatu den “Landing Ideiak” tailerrean (GAZEk antolatuta) parte hartu dute. Ideiak proiektu bihurtzen ikasi dute, jadanik martxan dauden proiektuei (Basherri, Hegaldi eta Korrika) bultzadatxo bat emanez. Taldeetan banaturik, euren sormen, komunikazio eta talde lan eskumenak indartzeko aukera izan dute. Basherri sareak elikadura jabetzaren ildotik, kontsumo taldea indartzeko erronka plazaratu die. Hegaldik, aldiz, erakundea eta bere lana ezagutzera emateko erronka aurkeztu die, eta azkenik, Korrikak plazaratu duen erronka gazteek euskara gehiago erabiltzea izan da.
—|—
