| Donostiako EASO Politeknikoak antolatuta, gaur ospatuko da Donostian Gipuzkoako Zientzia eta Teknologia Parkeko eraikin nagusian Euskadiko Google Apps Hezkuntza IV Topaketa. Ekitaldia streaming bidez jarraitu ahal izango da, baita twitter-en @EEGApps kontuan eta #EEGApps hashtag-ean. 166 erakundeetako 280 pertsonek eman dute izena: Lehen Hezkuntza, Bigarren Hezkuntza eta Lanbide Heziketa eta Unibertsitateko ordezkariez gain, hezkuntza alorreko, administrazioko edo enpresetako kide ugarik parte hartuko dute. Euskal Autonomi Erkidegotik haratago, Nafarroa, Cantabria, Caceres eta Valentziako hainbat irakasle ere hurbilduko dira. Topaketa hau Euskadiko irakasleek Google Apps Hezkuntzak eskaintzen dituen tresnak erabiliz ikastetxeetan garatzen diren prozesuen inguruan beraien esperientziak partekatzeko gunea bihurtu da.
—|—
