| Martxoaren 18an EASO Politeknikoko Aho eta Hortzen Higienea zikloko ikasleak Gasteizko BTIn, ospe handiko institutu bioteknologikoan egon ziren. BTI Eduardo Anitua doktoreak 1999an sortutako enpresa da; gaur egun bera da konpainiako zuzendaria eta presidentea eta inplantologian eta aho-errehabilitazioaren arloan punta-puntako enpresa dugu, halaber, terapia erregeneratiboen aplikazioan nazioarteko erreferente zientifikoa da. Hitzaldi bat eman zuten egiten duten lana azalduz, hau da, terapia erregeneratiboaren teknika zertan datzan eta Endoret teknologia aurkeztu zuten, hazkunde-faktoretan aberatsa den plasman oinarrituta. Gainera, laborategian nola egiten duten lana ikusteko aukera izan zuten, Sabino doktorearen eskutik. Esperientzia interesgarria benetan, ikasleek hortz kliniketan burutzen diren tratamentuez beste ikuspegi bat izateko oso baliotsua.
—|—
