| Pasa zen urriaren 7an, eraikuntza departamenduko Etxegintza proiektuen eta Obra zibileko proiektuen zikloko ikasle eta irakasleak, Ingurugiroko zikloko ikasle eta irakasleekin batera Donostiako Ekogunea bisitatu zuten. Ekopolis proiektuaren berri izan zuten, arlo desberdinetan jasangarritasuna ardatz duen proiektua. Ekopolis proiektuaz jasotako azalpenez gain, Bidatek enpresako kide batek, hondakin uren arazketa beriragazpen bidez egiteko garatu duten teknologia azaldu zuen, ekopolisen duten araztegia bertatik bertara ezagutu zutelarik. BIDATEK enpresak garatu duen bermiragazpen teknologia hondakin-urak arazteko sistema biologiko bat da, lur-zizare populazio baten eraginari esker hondakin uren arazketa eta arazte prozesuan atxikitako kutsaduraren degradazioa bateratzen dituena. ZERO HONDAKINEKO teknologia bat izateagatik nabarmentzen da.
—|—
