| Joan den urriaren 20an, Ingurumen Hezkuntza eta Segurtasuna heziketa zikloko 2. mailako ikasle eta irakasleak, Ultzaman (Nafarroa) izan ginen. Bertan aurkitzen da Ultzamako Parke Mikologikoa. Bisita honen helburua, erabilera publikoko jarduerak bezala ezagutzen diren ekintzen beste adibide bat ezagutzea izan zen. Gainera, ikasleek,profesional bezala, etorkizun ez hain urrun batean, ingurune natural batean joka dezaketen paperaz jabetzeko balio izan zuen. Izan ere, Garrapo izeneko ingurumen zerbitzuetako enpresako Amaia eta Edurne hezitzaileek, azalpen bikainak eman zizkiguten mota honetako parke batek dituen ezaugarrien inguruan eta beraiek, hezitzaile moduan, egiten duten lanaren inguruan.
—|—
