| Azaroaren 23an Easo Politeknikoko Lanbide Arriskuen Prebentzioko goi-mailako zikloko 1. eta 2. mailako ikasleek Eureka Zientzia museoa bisitatu zuten. Bertan, AKZIOA… ERREAKZIOA! tailerrean parte hartu zuten, erreakzio kimiko batzuk burutuz eta laborategiko segurtasun neurriak aztertuz eta erabiliz. Gainera, museoko langileei prebentzio-neurri gehigarriak gomendatu zizkieten. Ondoren, Energia bizia ikus-entzunezko ekoizpena ikusi zuten, gure gizartearen eta energiaren arteko erlazioa eta energia berriztagarriak aztertuz. Amaitzeko museoko erakusketa iraunkorra ikusi zuten.
—|—
