| Azaroaren 25 eta 26an EASO Politeknikoko Lanbide Arriskuen Prebentzioko goi-mailako zikloko 1. mailako ikasleak, segurtasuna moduluko irakasleen laguntzaz, eskorga jasotzaileak erabiltzeko ikastaroan izan ziren, zentroan jasotzen duten prestakuntza osatzeko asmoz. Ikastaroa TeknoDidaktika-k eman zuen eta irakasleak EASO Politeknikoko Prebentzioko zikloko aurreko promozioetako bi ikasle ohi izan ziren, bata klase teorikorako eta bestea klase praktikorako. Bi orduko prestakuntza teorikoa jaso ondoren, makinen alokairuko enpresa batera joan ziren eta han, sei orduz, eskorga jasotzaile ezberdinak erabiltzeko aukera izan zuten. Balorazioa oso positiboa izan zen, izan ere, aukera izan zuten zentroan eskuragarri ez dauden makina batzuekin harreman zuzena izateko.
—|—
