| Joan den ikasturtean bezala, Aho eta Hortz Higieneko goi mailako zikloko ikasleek bisita egin zuten BTI-ra (Biotechnology Institute), zein Gasteizen baitago. Abenduaren 1ean egin zen bisita eta bertan ikasleek instalazioak ikusteko aukera izan zuten (laborategiak eta abar) eta baita lan-taldearen parte bat ezagutzekoa ere. Gainera, han egiten denari buruzko hitzaldia jaso zuten: hortz-inplantologia, aho errehabilitazio eta terapia birsortzaileen ezarpenaren arloetako tratamenduak, ikerketa eta garapena. Ikasleek ohikoetatik desberdina den beste lan aukera bat ezagutu dezaten balio izan du bisitak. Baita odontologian eman diren azken aurrera pausoen berri jasotzeko ere.
—|—
