| Aho eta hortz higieneko goi mailako zikloko ikasleek Donostiako Eureka! Zientzia Museora bisita egin zuten, joan den abenduaren 17an. Alde batetik, “Plastination” izeneko eremua ikusi zuten bisita gidatu interesgarri baten bidez. Bertan, plastinazio teknikaren bitartez kontserbatutako gizakiaren gorputz-atalen bilduma dago eta honek zuzenean giza-anatomia ezagutzeko aukera paregabea eskaini zien. Bestetik, tailer bat burutu zuten, non, beste gauzen artean, mikroskopioz euren ahoko mukosako zeluak behatu ahal izan zituzten. Bisita aukera bikaina izan da ikasleentzat zikloko moduluetan ikasitako edukiak praktikan jartzeko, hala nola, fisiopatologian edo aho barrunbeko azterketan.
—|—
