| Etxean iturria ireki eta ura edatea munduko gauzarik normalena iruditzen zaigu, ura erabili ondoren botatzea bezala… baina, horren guztiaren atzetik batzuentzat guztiz ezezaguna den lana badago. Lan hori lehen eskutik ezagutzeko Ingurumen Hezkuntza eta Kontrola zikloko ikasleak, Ibai Eder edateko uren araztegia eta Badiolegi hondakin uren araztegia ezagutzera joan dira. Bisita hau Ingurumen kudeaketa moduloarekin estuki lotuta dago. Bertan, besteak beste, ura, uraren-zikloa, uraren kutsadura eta kudeaketa lantzen baitira. Ibai Ederren, Edateko Uren Araztegian (EUA), ura edateko prestatzen dute eta eskualdeko herri guztietara banandu. Araztegi honek 1995 urtean 250.000 biztanleri ematen zien zerbitzua eta 2010ean berriz 310.000 biztanleri. Edangarria den ura erabili ondoren hondakin urak sortzen dira eta hauek, ezin dira ingurumenera besterik gabe askatu. Estolda sarearen bitartez Badiolegiko hondakin uren araztegira (HUA) bideratzen dira. Bertan, tratatu ondoren, Urola Ibaira botako da ura legediak agintzen dituen parametroak errespetatuz, eragin kaltegarriak saiheste aldera. Edateko uraren eta etxeko ur-zikinen kudeaketaren gora beherak ulertzeko aukera paregabea izan genuen. Era berean, sentsibilizazio moduan erabil daitezkeen datuak ere jaso genituen.
—|—
