| Otsailaren 12an, Easo Politeknikoak hitzarmena sinatu zuen Oarsoaldea eta Errenteriako Udalarekin lankidetzarako HABIAN¡ gunean. Helburua ekintzailetza artistikorako gune bat sortzea da, inguruko ekonomia sustatzeko asmoz. Hitzarmenaren baitan, Easo Politeknikoak Bitxigintza Artistikoko zikloko ikasleak jarriko ditu, sei bat urtero, eraberritu den Torrekua espazioan bitxi eta osagai artistikoen sorkuntza arloan ekintzailetza proiektu bat gara dezaten. Espazio hau erabiltzeagatik alokairu txikia ordainduko dute, hornidura egokia edukiko dute eta, gainera, beraien tailerra sortu eta enpresa asmoa finkatu ahal izateko erabateko aholkularitza jaso ahal izango dute. Espazioa AEG ikastetxeak ahalbidetuko dien Jantzigintzarekin partekatuko dute, eta 3. solairuan 3D-informatika sorkuntzarako gune batekin.
—|—
