| Pasa den martxoaren 3an, Easo Politeknikoan Entzumenaren Eguna ospatzeko, Lanbide Arriskuen Prebentzioa goi-mailako zikloko ikasleek proiektu kolaboratibo baten bidez kanpaina bat prestatu zuten, entzumenak jasaten dituen arriskuez ohartarazteko. Bertan prebentzioko ikasleekin batera zikloko irakasleek kolaboratu zuten, bai prebentzio departamentukoek, baita ziklo honetan irakasten duten LPO departamenkoek, informatikariaren, ingeleseko departamentuaren eta zuzendaritza-taldearen laguntzarekin. Ikasleek entzumenaren egunaren berri eman zuten kalteei buruzko kartelen eta aurkezpenaren bidez institutuko sarreran. Aldi berean, belarrietarako tapoiak banatu zizkieten interesa agertu zuten irakasle eta ikasleei, eta azkenik, larrialdietako zikloko ikasleei azalpen zabalagoak eman zizkieten entzumenaren arazoei buruz eta ordenagailuko aplikazio baten bidez maiztasun ezberdineko soinuak (baxuak eta altuak) era ezberdinean nola entzuten ditugun azaldu zieten.
—|—
