| Easo Politeknikoa LHII Ipar Irlandan egon da LHko hainbat ikastetxerekin batera bertan antolatutako lankidetza jardunaldietan. LHko ordezkariak, Eusko jaurlaritzako Heziketa eta Ikaskuntza zuzendari Ramon Martinez de Murgia, Ipar Irlandako Lan eta Hezkuntza saileko Michael Gould eta LHko college-ak izan dira bertan. Lehenengo egunean Ipar irlandako Lan eta Hezkuntza ministro Stephen Farryk hartu gintuen Ipar Irlandako Legebiltzarrean. Bilera oso interesgarria izan zen eta LHko ikastetxeekin epe luzerako harremana sortzeko nahia dagoela ikusi ahal izan genuen. South Eastern Regional College-en eta Southern Regional College-en izan ginen; haien instalazioak ezagutu genituen, ikasleen lana ikusi genuen, eta irakasle zein koordinatzaileekin harreman zuzena eta lankidetza indartzeko asmoa aztertu genuen; berrikuntza, mobilitatea eta lankidetza irakasleen artean, eta baita ikasleen artean ere. Hiru egun emankor hauen ondotik proiektuak zehazten hasiko gara.
—|—
