| EASO Politeknikoako Eraikuntza eta obra zibilak departamenduak, non lanbide heziketako goi mailako Eraikuntza proiektuak eta Obra zibileko proiektuak zikloak eskaintzen diren, izan da lehenengo SketchUp lehiaketa bultzatu duena. SketchUp bidez etxebizitza baten diseinua egitea proposatu da, 3Den egindako etxebizitza baten diseinu librea. 3. eta 4. DBH eta 1. eta 2. batxilergoko ikasleek parte har zezaketen eta aurtengo edizioan Araba, Bizakia eta Gipuzkoako ikastetxeetara zabaldu da deialdia. Guztira 57 ikaslek eman dute izena eta horietako 11ak aurkeztu dute lana. Horien artean epai mahiaren arabera hiru onenak aukeratu eta azken froga bat burutu behar izan zuten EASO Politeknikoan, hortik erabaki da behin betiko sailkapena. Nabarmentzekoa da hiru irabazleak Oreretako Oiartzo ikastolako ikasleak izan direla, hona hemen sailkapena.
1. Eneko Sotomayor saria: tablet bat
2. Imanol Elizondo saria: Go-pro kamera bat
3. Mikel Askasibar saria: drone bat
Esteka honetan ikus daitezke ikusentzuneko batean aurkeztutako lan batzuk eta hiru irabazleen lanak.
—|—
