| Joan den urriaren 14an Donostiako campuseko Arkitektura fakultateko ikasleek eta irakasleek EASO Politeknikoa bisitatu zuten bi ikastetxeok eta Habic klusterrak partekatzen duten proiektuaren egitasmoaren baitan. Proiektuaren izena Woodtektura da eta LHko eta Unibertsitateko ikasleen arteko lankidetza bilatzen du, industrializatutako eraikuntzen garapenerako. Arkitekturako 3. mailako ikasleak modu industrializatuan egingarri izango den diseinu bat gauzatuko dute, ondoren Easo Politeknikoko Zurgintza eta Altzarigintzako departamentuko Diseinua eta Altzari-hornikuntzako goi mailako zikloko ikasleek eraiki dezaten. Izango dituen fase desberdinetan, elkarren ezagutzan eragina izango duen elkarlana eta informazio trukea lortu nahi da. Era berean, diseinu fasetik eraikuntzakora joan beharko da, horrek bi aldeei ekarriko dizkien erronkei aurre eginez. Proiektuaren parte ere bada elkarrekin zurezko lan enblematikoak bisitatzea eta baita zurezko eraikuntzan espezializatuta dauden arkitekto entzutetsuen hitzaldietara joatea ere.
—|—
