| Ingurumen hezkuntza eta kontrola zikloan perretxiko erakusketa erronka modura landu dugu. Natur ingurunean gorputz eta kirol ekintzen gidaketa zikloko ikasleen laguntzarekin Artikutzan bildutako perretxikoak eskolara ekarri ziren. Ondoren, mikologian espezialista diren hiru lagunekin identifikazio tailerra egin eta erakusketa osatu eta publikora ireki zen urriaren 26 eta 27an eskolako liburutegian. 2. mailako ikasleek gidaturiko bisitetan eskolako 140 ikasle eta irakaslek parte hartu zuten. Bisitarien interesa altua izan zen eta onddoei buruz eta perretxikuen bilketak sortzen dituen inpaktuei buruzko informazioa jaso zuten. Eskolako zenbait kidek, aurretik egindako deialdiari erantzunez, laguntza handia eman zeniguten erakusketa osatzen, perretxikoak ekarriz, identifikazioan lagunduz edo materiala utziz. Eskerrik asko benetan. Argazkian Joxi Gurrutxaga, elektrizitatea eta elektronika alorreko irakaslea, erakusketa antolatzen lagundu zuten pertsonen artean egin zen zozketako saria jasotzen
—|—
