| Ingurumen Hezkuntza eta Kontrola zikloko 2. mailako taldeak Ereñotzuko auzo udalaren proposamenari erantzun dio eta udaran Urumea ibaiaren bazterretara hurbiltzen diren bisitariek sortzen dituzten arazoak bideratzeko erronka lantzen ari da. Bisitariek ekarritako zabor metaketak, trafiko eta aparkatze arriskutsuak bertako biztanle, fauna eta floraren bizimoduan eragin kaltegarriak dituzte. Jorge Gonzalez ingurumen adituaren ahotik jakin genuen Urumean galtzeko arrisku larrian dauden bi ugaztun bizi direla: Pirinioetako muturluzea eta bisoi europarra, Euskal Herriko biodibertsitatearen panda hartzak. Ingurumen hezkuntza aplikatzeko aukera ezin hobea dago Ereñotzun. Arazoa aukera bihurtu eta alderdi guztientzat egokia izango den plangintza bat egin.
—|—
