| Otsailaren 16an, Ikasenpresa Azokaren seigarren edizioa ospatu zen Eibarren. Bertan, Gipuzkoa, Araba eta Bizkaiko lanbide heziketako 1.500 ikasle inguruk parte hartu zuten 204 Ikasenpresekin. Easo Politeknikoko Haur Hezkuntza, Osasun Larrialdiak, Arotzeria eta Altzarigintza, Eraikuntza Proiektuak, Mekanizazioa, Anatomia Patologikoa eta Zitodiagnosia eta Elektrizitatea zikloetako ikasleak bertan izan ziren, ikasturtean zehar sortutako Ikasenpresekin. Ikasenpresa programak, ikasleen artean ekintzailetza kultura bultzatzea du helburu. Horretarako, ikasleek euren enpresa proiektua lantzen dute. Lan horretan, ekintzailetzarako beharrezkoak diren konpetentziak garatzen dituzte, eman beharreko pausoak ezagutuz, eta ekintzaile izateak zer esan nahi duen jabetuz.
—|—
