| Aurten Uraren Nazioarteko Egunak hondakin-urak du gai modura eta Ingurumen Hezkuntza eta Kontrol zikloko ikasleak Loiolako hondakin-uren araztegia bisitatzera joan gara. Bertan, gure etxeko komun eta arraskatik botatzen dugun ur kutsatuak eta kaleko zein industriako urek, itsasora isuri ahal izateko jasaten duten garbiketa prozesua ezagutu dugu. Araztu ondoren lortzen den egoerak, ura 1200m-ko luzera duen itsas-emisarioaren bidez isurtzea baimentzen du, gure itsaso maiteari kalterik egin gabe. Modan dauden komuneko toallita horiek zergatik ez diren komunetik bota behar ikusi dugu. Ez eman jaten munstroari!
—|—
