| Donostiako Easo Politeknikoak, Euskalitek antolatutako 23. Kudeaketa Aurreratuaren Europar Astearen baitan, “Zibersegurtasuna: ikastetxeen ekarpena” izenburua duen jardunaldia antolatu du. Hau azaroaren 17an burutuko da ikastetxeko areto nagusian (10:00 – 12:00) Azkenaldian zibersegurtasunak eta sistemen eta informazioaren babesak leku esanguratsua hartu du enpresen eta politikarien agendetan. Enpresen lehiakortasunak eta 4.0 Industriaren garapenak ezinbestekoa du sistemen eta informazioaren kudeaketa segurua. Jokaleku honetan, faktore teknikoaz gain, giza faktoreak ere oso zeregin garrantzitsua dauka eta profesional berriengan jokabide seguruen sustapena LHko ikastetxeek euren gain hartu beharko luketen eginkizunetako bat da. Jardunaldi honetan zibersegurtasunaz eta giza faktoreaz jardungo dira. Zibersegurtasunaz ari garenean zein testuingurutan gabiltzan (berrikuntza, lehiakortasuna eta garapen ekonomikoa) azalduko duen aurkezpen batez hasiko da jardunaldia. Zibersegurtasuneko teknikarien ikuspegiarekin jarraituko du eta jokaleku honetan LHko ikastetxeok daukagun zereginarekin amaituko da Parte-hartzaileak:
* Cristina Murillo Dk.(GAIA Klusterra) Zerbitzu zuzendaria
* Iñigo Aramendi (S21sec) Zibersegurtasun aholkularia
* Maite Alonso (IES Zubiri-Manteo BHI) Informatikako alorburu eta zibersegurtasun irakaslea
* Koldo Olaskoaga (CIFP Easo Politeknikoa LHII) IKT dinamizatzailea
Izena emateko formularioa (izen-ematea doakoa da) XXIII. Europar Astearen programazio orokorra Programazio laburra
—|—
